Ipuin Irabazlea. (16 urtetik 25 urte arte). Idazlea: Xabier Zubizarreta Arano

Sari banaketaren argazkiak

Nahigabeko omenaldia

Palentziako jolas-parke baten azpian topatu diren erailen amenez.

Julián-ek: “Si me vais a matar, que sea delante de mis hijos”
Falangistak: “No te apresures Julián, que no te va a pasar nada”

 

Gaur, haurrak zabuan olgetan,

atzo, eraikin ia denak ketan;

gaur, haurren barre-algara

atzo, famili amen negarra;

gaur, bake beltzezko ingurua

atzo, beltza zena: zerua

 

Bala bat txistuka,

gelditu ezin den trena bezala,

geltokira ez, gizonengana doala bala;

ausart koldarrek, oldar batean tiro koldarra,

benetako ausarten zain, lurreko belarra;

bihotza ezkerrean, gorri odola,

askatasuna mihian, begietan zeru-zola.

 

Urteak joan, urteak etorri,

hara ze ironia,

orain parke bat dena,

lehen hilerria;

gurutzeen ordez leriak,

hildakoen ordez biziak;

negar ohia estaltzen du irriak,

zaharren azal zimurra haur jaioberriak,

krudelkeria, umeen bihurrikeriak.

 

Nahigabeko omenaldia

parkea egitean,

nahiz oraindik egon memoria

ehortzia lurpean,

udaberriro irtengo da, loreen bitartez,

eta hori ezingo du inork ekidin,

hala da, halabeharrez.

 

Gaur loratzen dira hasiak

atzo ereiniko hazia

 

Txori-txiki